ILOILO CITY – Nadakpan sang Philippine Drug Enforcement Agency (PDEA) ang isa ka anay Oplan Tokhang surrenderee kag may mga record kriminal sa Poblacion, Leganes, Iloilo.
Ini ang ginkilala nga si Hope Villanueva, 31, sang Poblacion, Leganes, Iloilo.// Nakuha sa subject ang 5 ka sachet sang suspected shabu, kag 500 pesos nga buybust money.
Si Villanueva ang may kaso nga murder sa banwa sang Leganes, may record man sang pagpanglabo sang tigulang sa amo nga banwa, kag may record man sang pagpanaka-saka sang balay.
Sa interview naman sang Bombo Radyo kay Villanueva, ginpanginwala sini ang paghupot ukon pagbaligya sang iligal nga droga.
Suno kay Villanueva, gintamnan lamang siya sang ebidensya sang PDEA.