ILOILO CITY – Isa pa ka record ang na-break sang atleta nagikan sa Region 1 sa nagapadayon nga Palarong Pambansa 2017 sa probinsiya sang Antique.
Matapos ang halos 20 ka tuig, bag-o nga record ang nahimo sang atleta nagikan sa Region 1 sa 400 meters hurdle.
Si Ana Marie Eugenio ang may 1:08.3 nga record time kag nalampasan ang record ni Junelou Cabal nga 1:08.03 sang Northern Mindanao nga nahimo sadtong 1998.
Nakuha naman ni Merry Jo Tero (1:08.79) ang silver medal samtang si Rezen Albano sang Western Visayas ang nakakuha sang bronze medal.
Sa karon, lima na ka mga events ang may bag-o nga mga record holder sa Palarong Pambansa 2017 nga ginalakipan sang Javelin Throw Secondary Boys, Javelin Throw Secondary Girl, Discus Throw Elementary Girls kag swimming.