ILOILO CITY – Walo ka mga police officials sa rehiyon ang ipatawag sang National Police Commission (Napolcom) Central Office sa ika-duha nga hugnat sang summary procedure angot sa kaangtanan ni anay PRO-6 Director Bernardo Diaz sa illegal drug trade.
Sa interview sang Bombo Radyo kay Allen Camiring, spokesperson sang Napolcom 6, ginpahayag sini nga hiwaton ang hearing sa April 28 sa Napolcom Region 6.
Ginpatawag sang ad hoc committee nga gindihon sang Napolcom Central Office sanday Supt. Louie Garong, Supt. Leo Agpangan, S/Supt. Remus Canieso, S/Supt. Rhoderick Augustus Alba, Supt. Julius Balano, Supt. Giovanni Musico, Supt. Ramil Gallardo kag S/Insp. Jigger Gimeno.
Gin-athag ni Camiring nga indi subject sang imbestigasyon ang walo kundi himuon nga reference person sa imbestigasyon batok kay C/Supt. Bernard Diaz.