ILOILO CITY – Nagalab-ot sa 129 ka mga barangay sa siyudad sang Iloilo ang apektado sang iligal nga droga.
Santu ini sa listahan nga ginpaguwa sang Philippine Drug Enforcement Agency (PDEA) kadungan sang ginpatigayon nga Iloilo City Peace and Order Council Meeting.
Ginpahayag ni PDEA Region 6 director Atty. Gil Pabilona nga nagbag-o na ang modus sang mga drug personality sa pagbaligya sang iligal nga droga.
Lima sa mga barangay sa siyudad ang ginakabig nga seriously affected sang illegal drugs samtang pinakadamo nga apektado nga barangay ang sa distrito sang Jaro nga nagalab-ot sa 27.
Ginkumpirma man sini nga madata sa gihapon ang baligyaanay sang illegal drugs sa sulod mismo sang Bureau of Jail Management and Penology (BJMP) bangud may kaangtanan gihapon ang mga preso sa mga drug pushers.
Kadungan sini, ginkuwestyon sang Simbahan Katolika ang kapanya sang gobyerno batok sa iligal nga droga.
Gin-ako naman sang PDEA nga indi sini masarangan nga papason ang iligal nga droga kun wala sang bulig sang iban nga sektor.