ILOILO CITY – Nadakpan sa ginpatigayon nga buy bust operation sa banwa sang Oton, Iloilo ang isa ka nurse.
Ang arestado ang ginkilala kay John Patrick Garcia sang Cagbang, Oton, Iloilo kag umagad sang drug personality nga si Buboy Acap.
Sa exclusive interview sang Bombo Radyo kay Chief Insp. Dennis Pamonag, hepe sang Oton Municipal Police Station, ginpahayag sini nga nakuhaan nila sang 19 tanan ka mga sachet sang suspected shabu si Garcia.
Suno kay Pamonag, nakaagi na nga gin-aresto si Garcia sa ginpatigayon nga raid sa balay ni Acap kag ginpasakaan sang kaso nga visiting drug den, apang ini ang nakapiyansa.
Apang sa subong, kumpirmado nga nagabaligya na ini sang iligal nga droga matapos mabaklan mismo sang mga otoridad.
Ginapahayag nga nagakuha sang suplay sang iligal nga droga ang natungdan sa no. 1 drug personality sa Western Visayas nga si Richard Prevendido.