ILOILO CITY – Pasidunggan sang Philippine Army ang duha ka mga napatay nga Ilonggo soldiers nga nagpakig-away sa Abu Sayyaf Group sa Bohol.
Ini ang may kaangtanan sa paghiwat sang ika-43 nga anibersaryo sang 3rd Infantry Division sang Philippine Army sa Camp Gen. Macario Peralta sa Jamindan, Capiz.
Sa interview sang Bombo Radyo kay Lt. Col. Erickson Rosana, spokesperson sang 3rd Infantry Division, iya ginpahayag nga pasidunggan ang pito ka mga suldado kag pito ka sibilyan.
Gold Cross medal ang iga-award kanday Corporal Mel Jun Cajaban sang Leon, Iloilo kag Sgt. John Dexter Duero sang Banate, Iloilo.
Mangin keynote speaker si Lt. Gen. Glorioso Miranda, commanding officer sang Philippine Amry.