ILOILO CITY – Dako nga pagpanghangkat para sa mga kompaniya sa pungsod kun paano maganyat ang mga millenials nga magdugay sa trabaho.
Sa interview sang Bombo Radyo Iloilo, ginpahayag ni Department of Labor and Employment (DOLE) Region 6 Assistant Director Salome Siaton nga santu sa feedback sang mga employers, problema ang attitude sang mga millenials nga wala nagadugay sa trabaho.
Suno kay Siaton, mangin ang Tripartite Industrial Peace Council ang naghingyo na sang bulig sa DOLE kun paano masolusyunan ang amo nga problema bangud apektado na ang ila organisasyon.
Madamo suno sa DOLE sang bakante nga trabaho apang indi mapun-an apisar madamo sang kwalipikado bangud kadam-an sang mga millenials ang madasig nga matak-an sa trabaho.
Kadungan sang mga job fair subong nga Labor Day sa nagkalain-lain nga bahin sang pungsod, naghatag man ang DOLE sang orientation agud mapahibalo sa mga applicants ang ila kinamatarong kag responsibilidad sa ila ginatrabahuan.
Nagahatag sang career coaching ang DOLE agud mahaylo ang mga millenials nga magtinir sa trabaho.