ILOILO CITY – Nakahanda na ang nagpasaka sang impeachment complaint batok kay Presidente Rodrigo Duterte, sa pagsugod na sang House Justice Committee sa pagtalakay sang nasambit nga reklamo.
Sa interview sang Bombo Radyo Iloilo, ginpahayag ni Magdalo Rep. Garry Alejano nga handa na siya magprisinta sang iya mga ebidensiya.
Welcome development para sa mamalidha ang pagtalakay sang impeachment complaint kag nag-apela sa Committee on Justice nga hatagan siya sang tiyansa nga maprisinta ang iya mga ebidnsiya.
Nahibaluan nga antis ang presentation of evidence, iga-determinar anay sang komite kun sufficient in form and substance ang reklamo ni Alejano.
Gin-ako sang kongresista nga napaslawan ini makakuha sang nagakaigo nga numero para suportahan ang reklamo batok sa Chief Executive.
Suno kay Rep. Alejano, bangud wala sang nagakaigo nga numero, siya na mismo ang naghinyo sa mga kaupdanan sa Kamara nga indi na magpabutyag sang suporta.
Nabatyagan kuno ni Alejano ang pressure para sa mga kaangay nga kongresista kag indi maluyag nga dumtan ang mga ini sang Duterte administration kun magsuporta sa impeachment complaint.