ILOILO CITY Ginpasiguro sang Bureau of Jail Management and Penology (BJMP) Iloilo nga may ginahimo na nga tikang agud solusyunan ang problema sa nag-awas nga septic tank sang Iloilo Provincial Integrated Jail (IPIJ) sa Barangay Nanga, Pototan, Iloilo nga perwisyo sa mga pumuluyo bangud sa nagasungaw nga baho.
Sa interview sang Bombo Radyo Iloilo, ginpahayag ni BJMP Region 6 assistant director for administration Jail Supt. Gilbert Piremni nga ginatinguhaan na sang jail warden sang IPIJ nga si Jail S/Insp. Abner Zamora nga maresolba ang problema sa bulig sang Iloilo provincial government.
Nagpa-in sang P270,000 nga pondo ang Iloilo provincial government para sa maintenance sang naga-awas nga septic tank.
Gintumod ni Piremni nga isa sa mga rason sang nasambit nga problema ang gulpi nga pagdamo sang preso sa IPIJ.
Suno sa BJMP, kun sang una masobra 800 lang ang preso sa IPIJ, sa karon ini ang kapin 2,000 na bangud sang kampanya sang gobyerno batok sa iligal nga droga.
Pag-awas sang septic tank sa BJMP Iloilo, ginbasol sa pagdamo sang preso bangud sa anti-illegal drugs campaign
Makabayan Bloc, gin-kwestyon ang P1 billion nga pagtaas sang alokasyon para...
Gin-kwestyon sang Makabayan Bloc ang P1 billion nga pagtaas sang alokasyon para sa mga confidential kag intelligence funds sa bersyon sang Senado para sa...
