ILOILO CITY – Ginaimbestigaran na sang National Police Commission (Napolcom) ang pulis nga ginreklamo sang pagpangilkil sa Jaro, Iloilo City.
Sa interview sang Bombo Radyo, ginpahayag ni Napolcom Region 6 pre-charge investigator Allen Camiring nga indi na nila pagpalampason ang ginhimo ni PO1 Glenn Garbosa.
Si Barbosa ang ginreklamo sang retired teacher nga si Rey Fajutrao nga ginapahayag ginkilkilan sini sang kapin P200,000.
Suno kay Camiring, indi sila mag-untat tubtob indi ma-dismiss sa serbisyo si Garbosa.
Ginbuyagyag sang Napolcom nga sadto pa ginreklamo sa ila talapatapan si Garbosa matapos gin-withdraw ang kwarta sa ATM sang mga kaupdanan sini nga pulis.
Samtang, nagaguwa sa imbestigasyon sang Jaro Police Station nga nagumon sa casino si PO1 Garbosa, rason sang pagpangilkil sini.
Ginpahayag sa Bombo Radyo ni SPO1 Arnel Villarante, investigator sang Jaro Police Station, nagaguwa sa ila pagpangusisa nga ang kwarta nga makuha ni Garbosa sa pagpangilkil ang gina-gamit sini sa pag-casino.
Si Garbosa ang assigned sang RPHAU sang Police Regional Office 6 apang natukiban nga ini ang AWOL.
Bagito nga pulis nga nangilkil sang kapin P200-K, lulong sa casino; ginpasiguro sang Napolcom nga masipa sa serbisyo
Makabayan Bloc, gin-kwestyon ang P1 billion nga pagtaas sang alokasyon para...
Gin-kwestyon sang Makabayan Bloc ang P1 billion nga pagtaas sang alokasyon para sa mga confidential kag intelligence funds sa bersyon sang Senado para sa...
