ILOILO CITY – Ginbuksan na ang Manggahan Festival sang probinsiya sang Guimaras nga magalawig tubtob Mayo 22.
Suno kay Guimaras Governor Samuel Gumarin, mangin “bigger, better, sweeter” ang Manggahan Festival subong nga tuig.
Espesyal ang selebrasyon bangud ini ang ika-25 nga founding anniversary sang probinsiya sang Guimaras.
Ang opening ceremony ang gin dunganan sang street dancing competition kag pagbukas sang regional agri-trade fair sa Provincial Capitol grounds.
Subong nga gab-i, maga-perform naman ang aktor nga si Matt Evans.
Apang ang highlight kag ginabantayan sa duha ka semana nga selebrasyon amo ang paho sang Guimaras nga kilala nga pinakamatam-is sa kalibutan.
Patok sa mga local kag foreign tourists ang “eat all you can” sang Guimaras mango kun sa diin sa balor nga P110, unlimited na ang pagkaon sang paho.