ILOILO CITY – Tuman ka hugot ang seguridad nga ginapatuman sa natalana nga pag-atubang buwas ni Presidente Rodrigo Duterte sa Filipino community sa Hong Kong.
Suno kay Ms. Merly Bunda, correspondent sang Bombo Radyo sa Hong Kong, santu sa mando sang Philippine Consulate, indi mahimo nga magtambong sa okasyon ang wala sang imbitasyon.
Ginpahayag sini nga ginpangayuan sila sang identification card, passport, cellphone number kag iban pa nga dokumento nga makapamatuod nga legal ang ila pagtinir sa Hong Kong.
Alas-3:00 sang hapon buwas magabukas na ang registration sa mga magatambong sa okasyon kag alas-5:00 sang hapon, pormal na nga maga-atubang ang presidente sa overseas Filipino workers (OFWs) sa Regal Airport Hotel sa Chek Lap Kok Lantau Island, Hong Kong.
Lakip naman sa mga ipalab-ot sang OFWs kay Duterte amo ang tuman kamahal nga sukot sang placement fee sang mga luyag magtrabaho sa nasambit nga lugar.
Sa subong yara na sa Hong Kong ang presidente matapos ang iya pagbisita sa Cambodia.