ILOILO CITY – Ginsipa sa puwesto ang pinuno sag Police Regional Office 6 (PRO-6) nga si Chief Superintendent Jose Gentiles.
Ginapahayag nga ang mahina nga accomplishment ni Gentiles partikular sa kampanya batok sa iligal nga droga, ang rason nga ini ang gin-relieve.
Sang nakaligad lang nga adlaw gin-ako ni Gentiles sa interview sang Bombo Radyo Iloilo nga madata gihapon ang operasyon sang iligal nga droga sa Western Visayas, bangud kuno sa pag-untat sang Oplan Tokhang sadto.
Gin-ako man sini nga nabudlayan ang PRO6 nga dakpon ang top drug lord sa Western Visayas nga si Richard Prevendido.
Madumduman nga ginpromisa ni Gentiles sadtong Disyembre nga indi matapos ang 2016, madakpan na si Prevendido apang tubtob subong, wala sang impormasyon ang Police Regional Office 6 kun sa diin ini.
Samtang gindesignar naman bilang bag-o nga pinuno sang Police Regional Office 6 si Chief Supt. Cesar Hawthorne R. Binag.
Si Binag ang anay pinuno sang Firearms and Explosives Office sa Kampo Crame.
Graduate ini sang Philippine Military Academy Class of 1987.
Nag-agi man ini nga deputy kag acting police commissioner sang United Nations mission sa Liberia.