ILOILO CITY – Nagtaliwan na si anay Iloilo City Councilor Dr. Erwin Plagata.
Ini pila ka adlaw matapos nga gin-cardiac arrest ang anay konsehal nga ginhingadlan sadto ni anay Presidente Rodrigo Duterte nga protektor sang iligal na droga.
Sa interview sang Bombo Radyo Iloilo, ginpahayag ni anay City Councilor Perla Zulueta, suod nga abyan ni Plagata, ang ginhimo sang Presidente ang isa sa mga rason sa madasig nga kamatayon sang anay konsehal.
Suno kay Zulueta, ginbatyag gid ini ni Plagata kun sa diin nadulaan ini sang gana nga magkaon kag na-depressed bangud sa patu-patu sa iya sang Presidente.
Apisar nga ihado ni Plagata ang napatay nga drug lord nga si Melvin Odicta, ginpahayag ni Zulueta nga indi illegal drug protector ang anay konsehal kundi dalaganan lang ini ilai na kun mag-away ang mag-asawa nga Odicta.
Ginakabig naman ni Zulueta nga ang kamatayon ni Plagata ang nangin palaagyan agud nga makapahuway na ini sa kasakit sang buot nga tuga sa pagpasibangod sa iya sang Presidente nga protektor sang illegal drugs.