Pagdakop sa top drug lord sa Western Visayas nga si Richard Prevendido, ginadalian na sang PNP chief
ILOILO CITY – Ginadalian na ni PNP chief Director Gneral Ronald dela Rosa ang pagdakop sa top drug personality sa Western Visayas nga si Richard Prevendido.
Ginpahayag ni Police Regional Office 6 director C/Supt. Cesar Hawthorne Binag nga personal nga nagbisita sa live studio sang Bombo Radyo Iloilo, ginhinambit sa iya ni Dela Rosa ang kaso ni Prevendido.
Nagakahulugan ini suno kay Binag nga luyag sang PNP chief nga madakpan gilayon ang lider sang Prevendido Drug Group nga sa karon may patong sa ulo nga P1.1 million.
Bangud sini, prayoridad ni C.Supt. Binag nga bag-o pa lang nagpungko bilang pinuno sang kapulisan sa Western Visayas, ang pagdakop kay Prevendido.
Apang kun timeline sa pagdakop sa mga high value targets nga may kaangtanan sa iligal nga droga, ang Kampo Crame na suno sa PRO6 director, ang magadesisyon sini.