ILOILO CITY – Gindis-armahan na ang pulis nga ginreklamo nga nagpang-harass kag nagpinalupok sa Brgy. San Isidro, La Paz, Iloilo City.
Suno kay Supt. Efren Lozada sang Iloilo City Public Safety Company, nagpaathag si SPO1 Rommel Nandin tuhoy sa insidente, sa diin ginpanindugan sini nga accidental firing lang ang natabo.
Ipaidalom naman sa ballistic examination ang armas sang pulis samtang padayon ang imbestigasyon kun ano ang matuod nga natabo.
Ginpahayag ni Lozada nga nakapakig-angot naman sa ila ang Internal Affairs Service (IAS) kag ginahulat pa ang resulta sang imbestigasyon sang La Paz PNP.
Padayon naman ang pag-report ni Nandin sa Iloilo City Public Safety Company apang wala lang sang armas.
Ginmanduan naman sang National Police Commission (Napolcom) si Nandin nga mag-report sa ahensiya.
Sa interview sang Bombo Radyo Iloilo, ginpahayag ni Napolcom 6 pre-charge investigator Allen Camiring na kapag napatunayang nagkasala, dismissal ang kakaharapin ng nabanggit na pulis.