ILOILO CITY – Indi dapat pag i-single out ukon itudlo lamng sa Lesbian, Gay, Bisexual and Transgender (LGBT) Community ang HIV testing kag awareness nga ginapanikasugan sang syudad sang Iloilo kasunod sang nagadamu nga kaso sang ‘people living with HIV’ sa syudad.
Suno kay Punong Barangay Gerald Espulgar sang Luna Lapaz, nga isa man sa katapo sang LGBT community, dapat nga mangin bilog ukon wholistic ang approach sa pagtapna sang Human Immuno-Defficiency Virus (HIV).
Nagakahulugan ini suno sa punong barangay nga ang tanan nga sector sang komunidad ang pagadal-on sa kampanya sa pagtapna sang balatian, ilabi na ang mga kabataan nga may mataas nga risgo sa pag-angkon sang balatian.
Nagakadapat man suno sa opisyal nga ipahibalo sa tanan ang risgo nga maangkon sang indi hilway nga pagpakighilawas kag amo ini ang dapat himulatan sang syudad sang Iloilo.