ILOILO CITY – Sa paghinakop na sang Municipal Health Office sang Miag-ao, Iloilo ang isa ka lapsag nga babaye nga nakit-an sa sulod sang CR sang simbahan sang Miag-ao.
Sa interview sang Bombo Radyo sa hepe sang Miag-ao PNP nga si Chief Insp. Norlan Perante, pasado alas-10:00 sang aga sang nasapwan sang duha ka mga wala ginhingadlan nga babaye ang bata nga nasulod sa karton kag ginbilin sa CR.
Suno kay C/Insp. Perante, gina-review na ang CCTV cameras sa palibot sang simbahan agud matumod ang iresponsable nga iloy nga nagbilin sa lapsag.
Sa karon plano sang munisipyo suno kay Perante nga idul-ong na lang sa DSWD regional office ang lapsag.