ILOILO CITY – Natalana na nga i-deport ang Pinay illegal recruiter sa Hong Kong nga nagpangbiktima sang 24 tanan ka mga Ilonggo.
Suno kay Bombo correspondent Merly Bunda, na-convict sa kaso nga fraud ang suspetsado nga si Maria Cerella, nga nadakpan sang Enero 23 sa Hong Kong airport samtang pauli na kuntani sa Pilipinas.
Magapauli naman sa Pilipinas subong nga semana ang isa sa mga nabiktima ni Cerella nga si Alemar Celes dala ang tanan nga mga dokumento agud nga mapasaka ang kaso nga illegal recruitment diri sa Iloilo sa bulig man sang Criminal Investigation and Detection Group kag Philippine Consulate.