ILOILO CITY – Indi makapati ang mga residente sang London nga liwat na nangin biktima sang terror attack ang capital sang United Kingdom.
Ginpahayag sa Bombo Radyo ni Roland Crispo, anay anchorman sang Bombo Radyo Roxas kag karon nagatrabaho na sa Oxford University Hospital sa London, yara gihapon sa state of shock ang mga pumuluyo sa London.
Tuman nga kahadlok suno kay Crispo ang iya nabatyagan matapos gin-arado sang isa ka van ang mga pedestrian sa London Bridge kag nag-amok ang mga suspek sa Market Borough nga yara man sa London Bridge.
Ginutlo pa lang gid nga nakahalin sa London Bridge ang hinablos ni Crispo sang magluntad ang pagpang-atake.
Suno kay Crispo, indi makapati ang mga taga-London nga liwat maka-eksperyensiya sang pagpang-atake nga halos wala sang kinalain sa pagpang-atake sa Westminster nga yara man sa sentro sa London, sadtong bulan sang Marso.