ILOILO CITY – Gin-aksyunan na sang Department of Energy (DoE) ang ginpalab-ot nga reklamo sang pila ka opisyal sang siyudad batok sa power distributor sa Iloilo City nga Panay Electric Company (PECO).
Sa interview sang Bombo Radyo Iloilo, ginpahayag ni City Councilor Joshua Alim nga nagpasaka sang reklamo sa DoE batok sa PECO, nga ginmanduan na sang ahensiya ang Energy Regulatory Commission nga imbestigaran ang PECO ilabi na sa isyu sang overbilling.
Nagakahulugan ini suno kay Alim nga yara na sa direkta nga kontrol sang ERC ang imbestigasyon rason nga indi na ini dapat pagpakanubuon sang PECO.
Nahibaluan nga nagapatigayon man sang imbestigasyon ang Iloilo City Council batok sa PECO nga ginaboykot ang imbestigasyon.