ILOILO CITY – Ginpanginwala sang pulis ang akusasyon sang balo sang isa ka drug personality nga nagpamilit ini sang oral sex.
Sa interview sang Bombo Radyo Iloilo, ginpahayag ni S/Insp. Tranquilino Querubin, hepe sang Jaro Police Station, nga iya na naistorya ang ginareklamo nga pulis nga si PO1 Ken mark Canillo, anay intelligence operative sang Jaro Police Station.
Suno kay Querubin, ginpanginwala ni Canillo ang akusasyon ni Jona sang Barangay Tabuc Suba, Jaro, nga ginpilit niya nga mag-oral sex ang balo.
Ginpahayag sang chief of police nga nakilala ni Canillo si Jona sang magserbe ini nga poseur buyer sa buy bust operation.
Ang subject sang buy bust operation amu mismo si Jona, apang nahilway ini matapos magpiyansa.
Apang ginpanginwala man ni Canillo nga personal sila nga magkakilala ni Canillo.
Nahibaluan nga gin-relieve na sa puwesto ang nasambit nga pulis kag gindis-armahan samtang natalana man ini nga imbestigaran sang National Police Commission (Napolcom).