ILOILO CITY – Apektado ang mga Pinoy nga wala sang ginauyatan nga working visa, sa nagakatabo nga diplomatic crisis sa Qatar.
Sa report ni Bombo international correspondent Janbeth ALindog sang Estancia, Iloilo pero sa karon nagatrabaho bilang admin officer sa Doha, madamo nga Pilipino ang nagatrabaho sa nasambit nga pungsod apang ang ginauyatan lang tourist kag business visa.
Kinahanglan ang mga ini nga mag-exit sa iban nga pungsod agud mahatagan sang working visa pagbalik sa Qatar.
Apang indi ini mahimo sang mga Pinoy bangud nga wala sang eroplano bangud sang ginapatuman nga flight ban.
Nahibaluan nga wala ginapasugtan ang mga national carrier sang kaiping nga mga pungsod sang Qatar nga makasulod sa Doha ang ila nga airlines.
Suno kay Alindog, ang masami nga exit point sang mga Pilipino amu ang Bahrain kag United Arab Emirates nga kalakip sa mga pungsod nga nag-utod sang diplomatic relation sa Qatar.