ILOILO CITY – Nag-angkon sang pagdayaw ang 12 year old Ilonggo singer/musician matapos nga makasulod sa next round sang Asia’s Got Talent 2019.
Nakuha ni Galeno “Rock” Opong ang “YES” sang mga hurado nga sanday David Foster, Anggun kag Jay Park paagi sa iya soulful performance.
Ginharana ni Opong ang mga audience sa iya rendition sang ambahanon nga “True Colors” samtang nagagitara sang iya hand-made guitar.
Nagbilib ang tanan sa soulful performance ni Opong kun sa diin ginpahayag ni David Foster nga lunsay manami magkanta kag maggitra ang Ilonggo musician.
Kasubong naman nga nagalantaw sang isa ka concert si Jay Park kag nalipatan nga isa siya ka hurado sa kompetisyon.
Para naman kay Anggun, iya gid nga nabatyagan ang emosyon ni Opong samtang nagakanta.
Nahibalu-an nga si Opong ang nagpakigbahin sa Battle of the Bands: Handog Concert ng Bombo Radyo at Star FM kag nangin suki man sa mga national singing competition.
