ILOILO CITY – Pangunahan ni Department of Environment and Natural Resources (DENR) Secretary Roy Cimatu ang 119th Independence Day celebration sa siyudad sang Iloilo.
Sa interview sang Bombo Radyo Iloilo kay Cimatu, ginkumpirma sini nga magapadulong ini sa siyudad sang Iloilo sa Adlaw sang Kahilwayan.
Suno kay Cimatu, ginmanduan sang Malacanang ang tanan nga mga Cabinet officials nga magpadulong sa mga mayor nga syudad kag probinsya sa bilog nga Pilipinas agud magtambong sa paghiwat sang Independence Day.
Patigayunon ang flag-raising rites sa Plaza Libertad sa Iloilo City Proper.