ILOILO CITY – Indi dapat pagpahanugutan sang mga Pilipino nga gub-on sang mga dumuluong kag iban pa nga grupo ilabi na ang nagahimo sang kalakasan, ang kalinong kag katawahy nga gina-eksperyensiya sa karon sang mga Pilipino.
Ini ang makahas nga panindugan ni Iloilo Governor Arthur Defensor Sr. sa nagapadayon nga pagpakig-away sang gobyerno batok sa rebelde nga Maute sa Marawi City.
Dapat maintyindihan sang tanan suno sa gobernador nga ang ginapakig-away sang mga Maute group ang indi para sa mga Pilipino kundi para sa idolohiya sang mga nagatib-ong sang Islamic State of Iraq and Syria (ISIS) kag may madalom nga ginhalinan.
Suno sa gobernador, dapat indi ini paghanugutan ilabi pa nga ini ang nagadulot sang pagkaguba sa pungsod kag sa Republika sang Pilipinas.
Ginbalikan pa sang gobernador ang mga dinalan sa balaan nga Bibliya sa diin suno pa sa mangin-alamon, nga ang inaway nga magaguba sang kalibutan amo ang inaway nga magahalin sa Middle East kag indi sa iban pa nga bahin sang kalibutan.