ILOILO CITY – Padayon nga gina-validate sang Police Regional Office 6 (PRO-6) ang impormasyon nga yara sa paghinakop sang New People’s Army ang top drug lord sa Western Visayas nga si Richard Prevendido.
Suno kay PRO-6 regional director C/Supt. Cesar Hawthorne Binag, pananglitan mapamatud-an nga matuod, magapangatubang man sang nagasalalampaw nga kaso ang matumod nga NPA nga nagahinakop kay Prevendido bangud isa ini ka wanted person kag kinahanglan nga dakpon.
Pahayag pa ni Binag, indi ini makahatag sang deadline kun san-o madakpan si Prevendido, apang ang makomitir lang sini amu nga ginahimo nila ang tanan agud madakpan ang drug lord.
Mas maayo suno sa PRO-6 director nga makita ang mihura sang sa nagahambal lang kag wala man nagatupa.