ILOILO CITY – Protektado sang isa ka grupo ang top drug lord sa Western Visayas nga si Richard Prevendido.
Ini ang ginkumpirma ni Police Regional Office 6 (PRO-6) director C/Supt. Cesar Hawthorne Binag sa Bombo Radyo Iloilo.
Apang nagpamalibad si Binag nga hingadlan ang nasambit nga grupo.
Una na nagguwa ang impormasyon nga ang New People’s Army ang nagahatag proteksyon kay Prevendido apang padayon pa ini nga gina-validate suno kay Binag.
Kadungan sini ginpahayag ni Binag nga nakasulod na sa national level sang mga drug personality si Prevendido.
Nagakahulugan ini suno kay C/Supt. Binag nga ang nasambit nga personalidad ang nagapanguna nga drug personality sa isa ka rehiyon.
Ginpasalig naman sang PRO6 nga padayon ang pagpanikasog sang mga otoridad agud madakpan si Richard Prevendido.