Pila ka mga Muslim nga wala na nadulaan sang komunikasyon sa ila mga himata sa Marawi City, nagpabutyag sang kahangawa

ILOILO CITY – Nagpabutyag sang pagkahangawa kag kabalaka ang pipila ka mga Muslim sa syudad sang Iloilo nga may mga himata sa Marawi City nga indi na macontact.
Sa interview sang Bombo Radyo kay Ali Sulayman sang Brgy. San Isidro Lapaz kag anom na ka tuig nga nagaistar diri sa Iloilo City, ginpahayag sini nga tuman na ang ila kabalaka tungod wala sang pamaagi nga makacontact sila sa ila mga himata sa Marawi City.
Nagalum si Sulayman nga wala lang kuntani nadala sa mga casualties ang iya mga himata.
Sa karon limitado pa ang impormasyon nga nakuha nila sa lugar.
Samtang kung may nagakahangawa, may nagakalipay man sa mga Muslim sa Iloilo ilabi na sa mga may himata nga nagpauli na diri sa syudad.
Suno kay Jerry Macaba, spokesperson sang Muslim Community sa Iloilo City, nalipay siya nga nakit-an pa nga buhi ang iya mga himata nga yara na sa karon sa iya paghinakop.