ILOILO CITY – Indi makabig nga reclamation ang pagtampok sang duta sa Iloilo River bilang kabahin sang Esplanade extension project.
Sa interview sang Bombo Radyo Iloilo, ginpahayag ni Philippine Reclamation Authority (PRA) general manager kag CEO Atty. Janilo Rubiato nga nagpadala na siya sang mga engineers agud mag-inspeksyon sa proyekto.
Santu sa preliminary report nga ginpadala sang mga engineers, indi makabig nga reclamation ang proyekto.
Nahibaluan nga gintampukan sang duta ang magtimbang nga pangpang sang suba agud himuon nga extension sang Esplanade.
Pero suno kay Rubiato, makabig ini nga improvement kag indi para sa commercial purposes.
Isa lang ini ka paagi suno kay Rubiato agud indi matiphag ang duta sa pangpang sang Iloilo River.