ILOILO CITY – Isa pa ka miyembo sang New People’s Army (NPA) nga kalakip sa 60 nga ginkasuhan sang mga otoridad bangud sa pagsalakay sa police station sa Maasin, Iloilo ang nagpakilala sa publiko.
Ginpahayag sa Bombo Radyo ni Mary Llyich Bocala, magasumite ini sang counter affidavit may kaangtanan sa ginapangatubang nga mga kaso.
Hugot naman ang pagpanginwala ni Bocala sa akusasyon sang kapulisan kag ginpahayag nga wala ini sang basehan.
Ginpahayag ni Bocala nga sang magsalakay ang mga rebelde sa Maasin Police Station, yara siya sa ila puluy-an sa President Roxas, Capiz kag bag-o lang ini nagbalik sa Pilipinas gikan sa Pakistan.
Suno kay Bocala, nagpauli ini para sa kasal sang iya utod kag ang picture nga ginpaguwa sang mga otoridad ang iya kuno sang manghod sini.
Suno pa kay Bocala, magapasaka ini sang libel case batok sa mga pulis.
Si Bocala ang anak ni Concha Araneta Bocala nga Secretary General sang National Democratic Front of the Philippines.