ILOILO CITY – Nagalab-ot sa 12 ka mga barangay ang posible ideklara nga hilway na sa iligal nga droga antes ang State of the Nation Address (SONA) ni Presidente Rodrigo Duterte.
Sa interview sang Bombo Radyo Iloilo, ginpahayag ni Liga ng mga Barangay President Reyland Hervias nga ang Philippine Drug Enforcement Agency (PDEA), PNP kag Department of Social Welfare and Development (DSWD) ang magadetermina sini.
Suno kay Hervias, nakadepende ini kun mangin clear naman ang mga drug surrenderees.
Kinahanglan suno sa opisyal nga mapakita sa mga tawo nga may ginahimo nga tikang ang city government batok sa iligal nga droga.
Ang nasambit nga mga barangay ang ginalakipan sang Ed Ganzon, Kauswagan, Osmena, Sampaguita, San Jose, San Agustin kag Yulo-Arroyo sa City Proper; Lopez Jaena sa Jaro; North Avancena sa Molo; Pali Benedicto sa Mandurriao; Domingo kag Dulunan sa Arevalo.