ILOILO CITY – Gin-relieve na sa puwesto ang tatlo sa apat ka mga pulis nga yara sa blue book sang nadakpan nga drug pusher sa buy bust operation sa Barangay General Hughes, City Proper, Iloilo City kahapon.
Ginpahayag sa Bombo Radyo Iloilo ni C/Supt. Cesar Hawthorne Binag, director sang Police Regional Office 6, nga ang mga ginsipa sa puwesto amu sanday PO3 Percival Colacion nga assigned sa La Paz Police Station; PO3 Christopher Leonor kag PO1 Lyndon Gonzaga nga lunsay katapo sang Regional Drug Enforcement Unit (RDEU).
Nakilala ang nasambit nga mga pulis matapos nga nagsantu sa contact numbers sang kapulisan ang numero sang mga ini.
Nahibaluan nga ang nakabutang sa blue book sang drug pusher nga si Jackie Lou Espinosa amu ang alyas lang kag contact numbers sang nasambit nga mga pulis.
Sang gintawgan sang kapulisa ang mga numero, nagsantu mismo ini sa contacts sang numero sang mga pulis.
Padayon naman nga ginakilala ang isa pa ka pulis nga yara man sa blue book bilang alyas “Tabs” kag “Batman” kag ginapahayag opisyal sang Police Regional Office 6.