ILOILO CITY – Gin-relieve ang 19 ka mga hepe sang kapulisan sa Western Visayas bangud wala sang accomplishment sa kampanya batok sa iligal nga droga.
Ini ang ginkumpirmar ni Police Regional Office 6 (PRO6) spokesman Supt. Gilbert Gorero sa interview sang Bombo Radyo Iloilo.
Ginpahayag ni Supt. Gorero nga nag-agi sa maid-id nga proseso ang pag-relieve sa mga chief of police.
Suno kay Gorero, 56 ka mga chief of police sa Region 6 ang ginrekomenda nga pahalinon sa puwesto apang ini ang ginpanubo sa 19 sang magpatigayon sang deliberasyon ang Regional Oversight Committee.
Ginahulat na lang sang PRO6 ang implementasyon sang relieve order para sa nasambit nga chief of police.
Siyam sa mga gin-relieve nga chief of police ang gikan sa Iloilo Provincial Police Office.