ILOILO CITY – Nasolusyunan na ang mahinay nga internet connection sa Iloilo Provincial Capitol nga nakaapekto na sa transaksyon sang mga talatapan sa kapitolyo.
Nagikan sa 50 mbps, yara na subong sa 70 mbps ang internet speed sa provincial capitol.
Pila sa mga talatapan nga apektado sang mahinay nga internet connection ang Office of the Governor, Bids and Awards Committee, talatapan sang provincial administrator.
Kadungan sini ginpahayag ni Iloilo provincial administrator Dr. Raul Banias nga nagpaguwa na sang memorandum si Iloilo Governor Arthur Defensor Sr.
Gindumili sang gobernador ang paggamit sang internet sa provincial capitol sa wala kapuslanan nga mga butang ilabi na ang pag-download sang pelikula, music, games kag pag-browse sa mga pornographic sites.