ILOILO CITY – Tuman ang kaakig sang abogado sang pamilya sang pila ka katapo sang Special Action Force (SAF) nga napatay sa operasyon sa Mamasapano, Maguindanao batok sa international terrorist nga si Zulkifli Bin Hir alyas Marwan, sa nangin desisyon sang Ombudsman nga pasakaan sang kaso nga graft si anay Presidente Benigno “Noynoy” Aquino III kag anay PNP chief Alan Purisima.
Sa interview sang Bombo Radyo Iloilo, ginpahayag ni Atty. Ferdinand Topacio, abogado sang himata sang 11 sa 44 ka mga napatay nga SAF, ginalauman na nila ang suno sa iya malasado kag kamoteng kahoy nga ginhimo sang Ombudsman.
Ginkuwestyon sini kun nga-a graft case ang ginrekomenda sang Ombudsman nga ipasaka batok sa anay presidente samtang ang ila ginpasaka 44 ka counts sang reckless imprudence resulting to homicide.
Suno kay Atty. Topacio, indi mapaathag ang kaakig nga ila nabatyagan kag maathag suno sa abogado nga ginapangapinan ni Ombudsman Conchita Carpio-Morales si Aquino.
Dugang pa sang abogado, naghilibion ang ginikanan sang mga SAF troopers sang mahibaluan ang desisyon sang Ombudsman.
Ginpasiguro ni Atty. Topacio nga himuon ang tanan nga legal remedy kalakip na ang pagpasaka sang motion for reconsideration sa Ombudsman kag ipasaka sa Korte Suprema kun kinahanglan.
“Graft case ang kaniyang isinampa. Ang isinampa po naming complaint ay 44 counts ng reckless imprudence resulting to homicide. Sapagkat may napamatay po rito nakaparaming tao, eh bakit graft lang ang isasampa niya? Ano ‘yun, nagnakaw ng isang ballpen sa isang tanggapan ng gobyerno?
“Hindi po kami masaya diyan. Ang pagka-poot po namin sampu ng mga magulang ng biktima ng Mamasapano ng massacre ay hindi maipaliwanag ng salita. Kami ay aapela at hanggang sa kataas-taasang hukuman ay hahabulin po namin ito dahil hindi kami kumbinsido,” ang pahayag ni Atty. Topacio sa interview sang Bombo Radyo Iloilo.