ILOILO CITY – Nadakpan ang isa ka drug pusher sa buy bust operation sa guwa mismo sang Iloilo District Jail sa Barangay Nanga, Pototan, Iloilo.
Ang gin-aresto amu si Jiboy Norico Daguhoy, 24, sang Lincud, Dingle, Iloilo kag nagbisita sa iya utod nga preso sa sulod sang nasambit nga pasilidad.
Nabaklan si Daguhoy sang isa ka sachet sang shabu nga nagabalor P600 kag dugang nga lima ka sachet sang iligal nga droga ang nakuha sa subject.
Nahibaluan nga nangin kontrobersiyal ang Iloilo District Jail matapos ginpahayag sang Philippine Drug Enforcement Agency (PDEA) nga madata ang transaksyon sang iligal nga droga sa sulod sang presuhan.