ILOILO CITY – Igapatawag sang Senado ang Armed Forces of the Philippines (AFP) sa pagbukas sang sesyon sang Kongreso sa masunod nga semana.
Sa interview sang Bombo Radyo Iloilo, ginpahayag ni Sen. Grace Poe, luyag sang mga senador nga maathagan sa mga ulihi nga nagakatabo sa Marawi City.
Talakayon man suno sa senador ang rehabilitasyon sang siyudad sa tunga sang manug-duha na ka bulan nga giyera bangud sa Maute group.
Suno kay Sen. Poe, importante nga makabangon gilayon ang Marawi agud makabalik na sa normal nga kabuhi ang mga Maranao.