ILOILO CITY – Ginkatingala ni anay Iloilo Fifth District Rep. Niel Tupas Jr. ang mando sang Ombudsman nga kasuhan ini sang graft kag malversation, apisar nga ini ang nagreklamo may kaangtanan sa maanomalya nga paggamit sang iya pork barrel fund.
Sa interview sang Bombo Radyo Iloilo, ginpahayag ni Tupas nga nasorpresa siya bangud ginbaliskad sang Ombudsman kag Commission on Audit (COA) ang sitwasyon.
Ginpanindugan sang anay mamalidha nga siya ang nag-alerto sa COA kag iban pa nga ahensiya sang gobyerno bangud iligal ang paggamit sang iya ngalan kag pirma agud mapaguwa ang pondo.
Suno kay Tupas, siya ang nagmando sa COA kag sa National Bureau of Investigation (NBI) nga imbestigaran ang paggamit sang iya ngalan.
Sa imbestigasyon sang NBI, ginpahayag ni Tupas nga nagguwa nga indi halin sa iya ang mga dokumento apang lain ang ginpaguwa sang COA sa ila report.
Panawagan ni Tupas sa Ombudsman nga usisaon ang kamatuoran antes magpaguwa sang desisyon.
Magapasaka sang motion for reconsideration sa Ombudsman ang anay mamalidha.