ILOILO CITY – Isa ka daku nga bugal para sa Pilipinas kag sa Ilonggo athlete nga makakuha sang gold medal sa Javelin Throw sa 9th ASEAN School Games sa Singapore.
Sa exclusive interview sang Bombo Radyo kay James Lozañes, 17, sang Binuluangan, Carles, Iloilo kag nagabutho sa Estancia National High School, ginpahayag sini nga iya gid ginapabugal ang medalya nga nakuha para sa pungsod.
Gin-ako man sang Ilonggo athlete nga ginkulbaan ini sang pag-atubang sa iya mga kasumpong, apang nagpangibabaw sa iya ang kagustuhan nga magmadinalag-on rason nga nakahimo ini sang record nga 66.36 meters distance sa nasambit nga sporting event.
Nagpasalamat man ini sa Ginoo kag sa tanan nga nagasuporta sa iya agud makuha ang kadalag-an sa Javelin Throw sa ASEAN School Games nga nagtapos subong nga adlaw.