ILOILO CITY – Naghatag direksyon sa iya pagdumalahan si Presidente Rodrigo Duterte sa iya ika-duha nga State of the Nation Address (SONA) kahapon.
Ini ang ginpahayag ni Iloilo City Rep. Jerry Trenas sa interview sang Bombo Radyo Iloilo, kun sa diin ginhatagan sini sang 85 percent nga grado ang SONA sang presidente.
Suno sa mamalidha, natalakay ni Duterte ang mga programa nga ginapatuman sang administrasyon.
Nagustuhan man ni Trenas ang madamo nga adlibs sang presidente bangud paagi ini suno sa kongresista agud mapalab-ot sang Chief Executive ang mensahe nga gikan sa iya tagipusuon.
Samtang pasang awa naman nga grado ang ginhatag ni ACT partylist Rep. Antonio Tino sa ika-duha nga SONA ni Duterte.
Ginpahayag sa Bombo Radyo ni Tino nga sulit-sulit lang ang mga ginpanghambal ni Duterte partikular sa isyu sang giyera sa Mindanao kag iligal nga droga.
Sa grado nga 10 ang pinakamataas, ginhatagan lamang sang 5 ni Rep. Tino ang SONA ni Duterte.