Kabulig sa balay patay sang masunog ang bpuluy-an sang amo bangud sang posible overcharged nga CP

ILOILO CITY – Patay ang isa ka kabulig sa balay matapos masunog ang balay sang iya amo sa Barangay Hibao-an, Pavia, Iloilo kaina sang kaagahon.
Ginkilala ang biktima nga si Avi Joy, 16, sang Calinog, Iloilo.
Ginpahayag sa Bombo Radyo Iloilo ni SFO3 Nicolas Celorio sang Bureau of Fire Protection (BFP), ang biktima lang kag ang mag-asawa nga amo ang tawo sa balay sang masunog ang balay.
Sa interview sang Bombo Radyo, ginpahayag naman ni Felix Librella nga tag-iya sang balay, wala mabatyagan sang biktima ang sunog samtang nagakatulog ini sa servant’s quarter sang balay.
Posible ang na-overcharged nga cellphone sang biktima ang ginhalinan sang sunog.
Nagalab-ot sa P2.5 million ang balor sang halit sa nasambit nga sunog.