ILOILO CITY – Ginbuhinan sang Department of Social Welfare and Development (DSWD) ang shelter assistance para sa mga biktima sang Super Typhoon Yolanda.
Nahibaluan nga P30,000 sa mga totally damaged nga kabalayan kag P10,000 sa mga partially damaged nga pamalay ang una nga ginpangako sang gobyerno para sa mga biktima sang Yolanda.
Apang sa karon, P5,000 na gid lang ang ipanagtag sang DSWD sa mga nabiktima sang bayo.
Sa interview sang Bombo Radyo, ginpahayag ni DSWD Region 6 focal person Rose San Agustin nga naubusan na sang pondo ang Department of Budget and Management (DBM) para sa mga beneficiary sang shelter assistance sa mga biktima sang super typhoon.
Suno kay San Agustin, ang ginahatag sa karon nga P5,000 sa mga beneficiary ang nagikan sa presidential fund.
Sa Western Visayas, pila sa mga biktima sang bagyo ang nakabaton na sang P5,000 nga shelter assistance samtang ang wala pa ang ginapanugyanan sang DSWD nga maghulat-hulat.