ILOILO CITY – Preso na ang isa ka pulis matapos matiruhan-patay ang stepbrother sa Cagamutan Norte, Leganes, Iloilo.
Nakilala ang suspek nga si PO2 Joel Poblacion nga assigned sa Mandurriao Police Station sa Iloilo City, samtang ang biktima naman ang ginkilala kay Kenneth Montano.
Apat ka igo sang bala ang naangkon sang biktima matapos nga ginluthang sang iya utod sang ini ang magwaras.
Ginpahayag sa Bombo Radyo Iloilo ni S/Insp. Dadji de Lima, hepe sang Leganes Municipal Police Station, nagpangayo sang bulig sa kapulisan ang iloy sang biktima sang magwaras ini.
Apang sang mag-abot ang mga otoridad, nalugpayan ini pero liwat nga nagwaras.
Nakaabot na sa ila puluy-an si PO2 Poblacion sang liwat mag-maoy ang biktima kag sang gin-ulo-ulohan ang utod, nagdumugay pa ang duha rason nga natiruhan sang pulis ang utod nga rason sang kamatayon sini.