ILOILO CITY – Tubtob sa pinakamataas nga opisina sang Bureau of Customs ang kilkilanay sa mga shipment nga nagaagi sa nasambit nga ahensiya.
Ini ang ginbuyagyag ni atty. Leoncio Superio, abogado sang Customs broker nga si Mark Ruben Taguba II, nga gin-akusaran nga nagpalasik sang P6.4 billion nga balor sang shabu nagikan sa China.
Sa interview sang Bombo Radyo kay Superio, ginpahayag sini nga tubtob sa talatapan ni Customs Commissioner Nicanor Faeldon, nagahatag sang lagay si Taguba.
Apang gin-athag sang abogado nga wala nagakahulugan nga mismo si Faeldon ang nagabaton sang kuwarta kundi may mga tawo ang mga departamento sang Customs nga amu ang nagakolekta sang bayad halin sa iya kliyente.
Suno pa kay Atty. Superio, indi man ang iya kliyente ang personal nga nagahatag sang kuwarta sa mga opisyal sang Customs kundi may tinawo lang ini nga ginasugo.