ILOILO CITY – Magapabilin nga problema ang industriya sang kalamay sa pungsod suno sa Department of Agriculture.
Sa interview sang Bombo Radyo Iloilo, ginpahayag ni DA Secretary Emmanuel “Manny” Pinol nga problemado ang industriya sang kalamay bangud sang mataas nga production cost.
Mas makapaayo suno sa tiglikom kun dunganan sang mga sugar producers sang iban pa nga sahi sang pagpanguma ang pagtanom sang tubo.
Paathag ni Pinol, mahimo nga dunganon ang paghimo sang kalamay kag livestock raising ukon pagsagod sang mga baka bangud nga ang dahon sang tubo ang mahimo nga himuon pagkaon sang baka.
Paagi sini suno sa DA chief, may kita gihapon ang mga sugar producers apisar maapektuhan ang industriya sang kalamay.