ILOILO CITY – Gin-suspend sang Ombudsman ang alkalde sang banwa sang Caluya sa Antique nga si Mayor Genevieve Lim-Reyes.
Anum ka bulan nga suspension ang ginpapanaog sang Ombudsman batok kay Reyes matapos mapamatbatan nga guilty bangud sa pagpamigos.
Sang Hunyo 2015 ginpasaka ni Juliet Ramos ang reklamo batok kay Mayor Reyes sa Ombudsman matapos ginpalimpyuhan ang lima ka ektarya nga farmland sa Barangay Tinogbac, Caluya, Antique agud patindugan sang housing project.
Suno kay Ramos, wala nag-agi sa due process ang ginhimo sang alkalde bangud wala ginpahibalo sa ila.
Ginpautod ni Mayor Reyes ang mga kahoy kag ginpaguba ang pila ka balay nga wala maglisensiya sa mga tag-iya.