ILOILO CITY – Gin-athag sang kampo sang broker nga si Mark Taguba nga wala sila sang personal nga ihibalo sa kahilabtanan sang anak ni Presidente Rodrigo Duterte nga si Davao City Vice Mayor Paolo Duterte sa ginapahayag kurapsyon sa Bureau of Customs (BoC).
Kasunod ini sang pagka-ulamid sang pangalan sang bise alkalde sa ginapahayag “Davao Group” nga nagapakilala may poder sa BoC.
Sa interview sang Bombo Radyo Iloilo, ginpahayag ni Atty. Leoncio Superio nga abogado ni Taguba, nga kilala sa BoC ang Davao Group.
Pero nagapati sila nga posible ginagamit lang sang grupo ang pangalan ni Vice Mayor Duterte.
Ginapahayag sang Davao Group nga may kaangtanan sila kay Vice Mayor Duterte kag kun ano ang problema sa mga transaksyon sa Customs, nakahanda ang mga ini nga magbulig kabaylo sang kuwarta.
Nagalaum si Atty. Superio kag ang abogado sini nga may mangisog agud ibuyagyag ang mga kaangay nga kalakaran sa Bureau of Customs.