Solon sa BoC: 'Kapalpakan sang ahensiya indi pag-ibasol sa Kongreso'

ILOILO CITY – Ginpanindugan sang pila ka mamalidha nga wala sang lamod nga pagtimalos ang imbestigasyon sang Kongreso sa mga iligal nga nagakatabo sa Bureau of Customs (BoC).
Ini kasunod sang mga ispekulasyon nga posible ginabalusan sang Kongreso ang BoC matapos gintawag nga imbecile sang Chief of Staff ni Customs Commissioner Nicanor Faeldon nga si Mandy Anderson si House Speaker Pantaleon Alvarez.
Sa interview sang Bombo Radyo Iloilo, ginbalikan ni AAMBIS-OWA partylist Rep. Sharon Garin, isa sa mga author sang Customs Law and Tariff Modernization Act, ang BoC.
Indi dapat basulon sang Customs ang Kongreso suno sa mamalidha.
Ginhatagan na suno kay Garin sang maayo nga layi ang Customs apang wala man ginpatuman gani wala sang rason ang ahensiya nga basulon sila.
Suno sa kongresista, si Customs Commissioner Nicanor Faeldon ang nagpasulod sang palpak nga mga tawo nga wala sang ihibalo sa trabaho sa Customs nga rason kun nga-a masami malutsan ang ahensiya.