ILOILO CITY – Bukas si Iloilo Governor Arthur Defensor Sr. sa posibilidad nga magsaylo sa administration party nga PDP-Laban.
Ini ang sabat sang gobernador sa duha ka beses nga pagpabati-bati sa iya ni House Speaker Pantaleon Alvarez nga magsaylo sa partido, kadungan sang mass oathtaking sang mga opisyal sang Western Visayas.
Suno sa gobernador, nag-istoryahanay na sila sang House Speaker apang nagpamalibad nga magdetalye.
Magakonsulta anay ang gobernador apang importante nga mapatuman ang mga proyekto para sa Iloilo.
Una diri, ginpahayag ni Alvarez nga mas mapadali ang ginaplano nga Panay Railways kun magsaylo sa PDP-Laban ang gobernador.